影片
更多
2019-01-03
54 瀏覽
之前聖誕o個排去megabox，見到佢d 聖誕佈置好靚，尤其係五樓中庭o個度，今年係little twin stars 主題，有住粉紅色o既聖誕樹同小屋，行出平台仲有個閃光玫瑰花海，影相係幾靚o既。雖然我地無留到咁耐影唔到夜景，不過都食o左間唔錯o既馬來西亞餐廳！餐廳向商場呢面有住鐵框玻璃，有一面牆用上竹葉密鋪牆身，另一面則有d 筲箕設計o既燈，略帶東南亞風情。無骨海南雞喇沙(跟餐$58 未加一) 係menu 推介菜式，雞皮色澤鮮艷，泛起油光，內裡肉質嫩滑，已經去晒骨可以啖啖肉大快朵頤，唔使點泰式辣醬已經好好食！個喇沙，湯底充滿椰奶同一d 香料o既味道，喇沙醬o既辣度我俾小辣，麻麻地食得辣都可接受。食落，發現原來佢有兩隻麵底撈埋，一粗一幼，幼o既食落似粉絲，粗o既口感唔會好似中國粗麵咁實淨，兩隻粉generally 都比中國麵爽口。食到尾，又有新發現，原來佢除o左豆卜，仲有隻蛋沉o左底被世人遺忘o左……提起軟殼蟹，通常都只會聯想起日本餐廳，但竟然呢度都有得食，而且唔係好貴，所以叫o左個軟殼蟹撈檬粉(跟餐$48)，夠晒fusion。好大份，個檬粉已經好大一兜，而且隻蟹係成隻上！蟹腳香脆，
餐廳向商場呢面有住鐵框玻璃，有一面牆用上竹葉密鋪牆身，另一面則有d 筲箕設計o既燈，略帶東南亞風情。無骨海南雞喇沙(跟餐$58 未加一) 係menu 推介菜式，雞皮色澤鮮艷，泛起油光，內裡肉質嫩滑，已經去晒骨可以啖啖肉大快朵頤，唔使點泰式辣醬已經好好食！
無骨海南雞喇沙 (跟餐$58)
7 瀏覽
0 讚好
0 留言
個喇沙，湯底充滿椰奶同一d 香料o既味道，喇沙醬o既辣度我俾小辣，麻麻地食得辣都可接受。食落，發現原來佢有兩隻麵底撈埋，一粗一幼，幼o既食落似粉絲，粗o既口感唔會好似中國粗麵咁實淨，兩隻粉generally 都比中國麵爽口。食到尾，又有新發現，原來佢除o左豆卜，仲有隻蛋沉o左底被世人遺忘o左……
提起軟殼蟹，通常都只會聯想起日本餐廳，但竟然呢度都有得食，而且唔係好貴，所以叫o左個軟殼蟹撈檬粉(跟餐$48)，夠晒fusion。好大份，個檬粉已經好大一兜，而且隻蟹係成隻上！蟹腳香脆，中間部份較沾上醬油，提升o左蟹肉o既濃味。至於d 檬粉，配上魚露醋，簡直就係最佳拍檔。
跟餐可以加配一份香芒椰汁糯米飯(加$26)，原價要$48！梗係叫埋。又係好日式，賣相整到好似壽司咁，仲用埋日式o個d 壽司架，墊番塊葉o係底咁。
香芒椰汁糯米飯 (加$26)
3 瀏覽
0 讚好
0 留言
餐飲朋友點o左泰式奶茶，但其實一d 特別都無，無論係落單時店員覆述，或者張單上都只係寫「熱奶茶」，而且朋友話飲落比較澀，唔係好夠奶。
至於我，就加o左$4 升級去特飲，叫o左個mee…魔法梳打。好有趣o既名字，店員介紹時話飲品會變色因而得名。上檯係一杯藍色飲品，付上一細杯應該係檸檬汁；慢慢倒落去，杯o野會變成紫紅色，有得飲有得玩！底下有住甜甜o既蘆薈粒，不過我建議杯檸檬汁唔好落晒，如果唔係有機會酸得濟~
張貼
