聚來車仔麵

營業中

休息中

星期日係深水埗買完sim card之後，同老公去食車仔麵。車仔麵2餸套餐 呢個揀左牛腩、蘿蔔，腩汁湯底，粗麵，牛腩唔韌，蘿蔔腍得黎又爽口，無渣夠清甜。呢個揀左豬手、芝士丸，鹵水汁，米線，米線夠滑身。招牌鮮煎鴛鴦餃子$34/6隻，揀左雙拼，要椰菜雲耳豬肉餃同芝士粟米餃(加$3)，鍾意前者多啲，好飽滿又多汁，而且外皮煎得好脆，好食。爆漿阿華田西多士$35，拼朱古力榛子醬加$2，比起平時既西多士更加邪惡，多士蘸滿榛子醬變得好濕潤，索晒啲味，正。餐飲要熱檸茶同熱華田。