煲仔榮記 (已結業)

有不少傳媒雜誌都訪問這間榮記煲仔麵…..今日又去朝聖一下……首先要講嗰個餐牌……選擇唔算多……而且沒有什麼特色小食……所以兩個人，最多都係食咗三樣嘢！另外，這間店舖，只有汽水牌，沒有酒牌……食濃味嘢，冇酒飲……失色不少！不過好嘅係……佢比我去隔離自己買啤酒過來……不另收費！服務算是不錯😇😇另外都算係唔錯嘅係……佢舖頭嘅裝修及音樂！周圍都有一些舊海報、摺檯摺凳又播放八九十年代音樂……當晚我是聽張國榮的！營造了一個不錯的懷舊氣氛👏👏講返佢啲食物……沙嗲煲仔麵……餸非常少……但是，湯底是好味的！不過，以這樣的價錢，食一個得兩粒雞的公仔麵……實在不值得！另外食咗個……麻辣牛肉煲仔飯！花椒味非常足，辣味都算適中，配合甜味的煲仔飯豉油，味道也不錯！仲點了一個豉汁排骨飯，都算幾多排骨，排骨質地、味道亦適中，加上，有香脆的飯焦……是一個高分的煲仔飯！總括來說，沙嗲好味，但是煲仔飯遠比煲仔麵出色！有時，傳統……是有理由的！😆