影片
更多
2023-12-03
845 瀏覽
終於名正言順可以去食暖笠笠嘅煲仔菜！趁住朋友生日乘機去帝京軒食超正嘅暖身煲仔菜。唔好講咁多先整返碗老火靚湯飲吓先！呢碗係霸王花螺片湯飲落去熱辣辣味道好清甜正呀。食中菜斬大嚿叉燒咪就係爽呀！我哋仲叫咗個燒味三重奏除咗金牌黑豚叉燒仲有燒鵝同埋燒腩仔，樣樣都咁好食好難揀啫一於食晒佢。不過我始終都鍾意有骨落地！所以呢一個明爐潮蓮燒鵝我一定俾多啲分。跟住呢一個香噴噴嘅係金鈎醬瑤柱珍寶蝦球銀絲煲！個名真係好巴閉但係味道都一樣咁有霸氣，大蝦爽口鮮味就一定㗎啦啲蝦油滲晒落乾爽嘅粉絲度好食到呢。老婆大人好鍾意食咕嚕肉所以就叫咗呢個拔絲菠蘿咕嚕黑豚過佢嘆，咕嚕肉做到皮脆肉香個汁包得啱啱好味道唔會太酸又唔會太甜，仲有好多新鮮嘅菠蘿喺入面老婆大人食到舔舔脷呀。天氣凍整返個羊腩煲嘆吓先！經典嘅砂鍋古法雙冬羊腩入面有肥瘦均勻嘅羊腩，炆得好入味但係又唔會過火唔錯，加埋冬菇同冬筍直頭想叫碗飯嚟食。不過仲有好多嘢未食白飯就放棄啦！跟住呢個為咗唔食羊嘅老婆大人叫嘅陳年花雕藥膳走地雞煲，送嚟時聞到陣陣嘅藥材同埋花雕味好香，用嘅係新鮮雞食落去特別有咬口當然雞味都濃啦！果啖湯汁先至係精華千祈唔好嘥嘢記得飲埋佢呀。冇叫白飯原因係
唔好講咁多先整返碗老火靚湯飲吓先！呢碗係霸王花螺片湯飲落去熱辣辣味道好清甜正呀。
食中菜斬大嚿叉燒咪就係爽呀！我哋仲叫咗個燒味三重奏除咗金牌黑豚叉燒仲有燒鵝同埋燒腩仔，樣樣都咁好食好難揀啫一於食晒佢。
不過我始終都鍾意有骨落地！所以呢一個明爐潮蓮燒鵝我一定俾多啲分。
跟住呢一個香噴噴嘅係金鈎醬瑤柱珍寶蝦球銀絲煲！個名真係好巴閉但係味道都一樣咁有霸氣，大蝦爽口鮮味就一定㗎啦啲蝦油滲晒落乾爽嘅粉絲度好食到呢。
老婆大人好鍾意食咕嚕肉所以就叫咗呢個拔絲菠蘿咕嚕黑豚過佢嘆，咕嚕肉做到皮脆肉香個汁包得啱啱好味道唔會太酸又唔會太甜，仲有好多新鮮嘅菠蘿喺入面老婆大人食到舔舔脷呀。
天氣凍整返個羊腩煲嘆吓先！經典嘅砂鍋古法雙冬羊腩入面有肥瘦均勻嘅羊腩，炆得好入味但係又唔會過火唔錯，加埋冬菇同冬筍直頭想叫碗飯嚟食。
不過仲有好多嘢未食白飯就放棄啦！跟住呢個為咗唔食羊嘅老婆大人叫嘅陳年花雕藥膳走地雞煲，送嚟時聞到陣陣嘅藥材同埋花雕味好香，用嘅係新鮮雞食落去特別有咬口當然雞味都濃啦！果啖湯汁先至係精華千祈唔好嘥嘢記得飲埋佢呀。
冇叫白飯原因係我哋嗌咗兩個正飯嚟嘆！呢個舞茸鮮排骨煲仔飯大大煲夠晒我哋七個人分嚟食，舞茸嘅香味滲晒落啲飯度加埋排骨嘅肉香點會唔好食吖！老婆大人鬼咁識食仲指定要香脆嘅飯焦添。
呢個時候整碟上湯菜心食特別舒服！北風起有葉嘅菜就特別淋甜趁住呢啲好日子要食多啲菜先得。
唔好以為食完呀我哋仲嗌咗個銀鈎臘味五穀糯米飯嚟食！呢個糯米飯除咗有糯米仲加咗五穀米喺入面，食落唔會好似淨糯米咁黏口但一樣咁好食，師傅炒得好乾爽而且臘味嘅油香入晒啲飯度真係好鬼邪惡。
甜品我哋揀咗金箔新疆棗皇糕個樣金光閃閃意頭好好，食落去口感好煙韌又唔會好甜仲有陣陣嘅紅棗香味真係唔錯喎。
孖女朋友過幾日牛一梗係要送個蛋糕俾佢哋開心吓啦！唔使煩直接喺酒店Royal Delights (R+)訂咗呢個射手座脆脆榛子杏仁朱古力蛋糕送俾佢哋，呢個蛋糕用咗70%嘅朱古力嚟整食落去有啲甘味唔會太甜，仲有啲榛子脆脆就算唔太喜歡朱古力嘅我都覺得好食。
張貼
