豪園餐廳 (已結業)

今晚行到好累好累，只係恨不得搵間野坐低休息下同食個晚飯，就係附近入左呢間豪園茶餐廳啦。入到去一坐低阿姐話煲仔飯快D叫先，跟住諗下都好喎，因為好耐未食過煲仔飯。所以就叫左個土魷肉餅煲仔飯，再加一個粟米木瓜肉片生滾湯配米線。最好笑係唔知D阿哥阿姐落單係咪唔寫檯號，佢地拎住個飯問邊個叫左，跟住我舉手佢就拎過黎...... 如果有兩個人叫左咁點算?煲仔飯一般，唔係咁好食，豉油唔夠味，而且個肉餅都係偏淡無咩味。唯一感覺到食緊煲仔飯就係個陣飯焦既味道，其剩同普通食個飯無咩分別。粟米木瓜肉片生滾湯，呢個都幾清下，幾好! D木瓜好甜又唔會太淋，好好食。不過佢D粟米就好鬼酸.... 湯底都有魚湯既味道，但唔算濃，都係似味精湯多D，所以都係普通啦。結論就係唔難食唔好食，但一定唔會主動話黎食。