影片
更多
2020-12-14
787 瀏覽
餐廳位於亞士厘道盡頭的一樓，裝潢帶點中國風，周邊有很多中式茶壼擺設，座位之間感覺鬆動，環境舒適。我們擅長用味道表達，夠招積，不過我鐘意。餐廳主打川味烤魚，就嗌番個招牌菜嚟試吓，另外加咗幾個餸，食完個魚可以加湯落去打邊爐。麻辣烤多寶魚，(嗌每一款烤魚都會跟三款時令素菜，今日嘅指定素菜係雲耳、萵荀同埋芋絲)，多寶魚肉質嫩滑，口感細緻，雖然魚骨比較多，但係食到呢個幼滑嘅程度絕對值得付出，烤魚嘅辣度揀咗大麻辣，我覺得個辣度大約等於譚仔嘅三小，麻味方面可以再突出啲，烤魚用咗大量蔥、蒜、辣椒等等嘅五辛香料嚟做調味，鮮香味美，味道無得彈。雲耳同萵荀爽口，芋絲索盡煲底嘅調味，沒有不好吃的理由。風琴豆腐串，條魚食到咁上下就加湯打邊爐，豆腐串果然同風琴一樣一排排，食落個感覺有啲似炸豆卜，喺每一排風琴式嘅罅度索盡多寶魚嘅湯汁，非常惹味。魚皮餃，烏蠅館呢度嘅魚皮餃廚師會先將佢淥到七八成熟，上枱之後只係放入湯汁入面，稍微翻滾多一陣就食得，非常貼心。土豆粉，原本我諗住嗌寛粉呢一類用嚟襯川味嘅無敵配搭，但係伴侶話想搞搞新意思，試吓呢隻未食過嘅土豆粉，土豆粉口感特別，個口感係介乎上海麵同埋薯粉之間，煙靱得嚟又有啲彈牙
餐廳位於亞士厘道盡頭的一樓，裝潢帶點中國風，周邊有很多中式茶壼擺設，座位之間感覺鬆動，環境舒適。
我們擅長用味道表達，夠招積，不過我鐘意。
餐廳主打川味烤魚，就嗌番個招牌菜嚟試吓，另外加咗幾個餸，食完個魚可以加湯落去打邊爐。
麻辣烤多寶魚，(嗌每一款烤魚都會跟三款時令素菜，今日嘅指定素菜係雲耳、萵荀同埋芋絲)，多寶魚肉質嫩滑，口感細緻，雖然魚骨比較多，但係食到呢個幼滑嘅程度絕對值得付出，烤魚嘅辣度揀咗大麻辣，我覺得個辣度大約等於譚仔嘅三小，麻味方面可以再突出啲，烤魚用咗大量蔥、蒜、辣椒等等嘅五辛香料嚟做調味，鮮香味美，味道無得彈。雲耳同萵荀爽口，芋絲索盡煲底嘅調味，沒有不好吃的理由。
風琴豆腐串，條魚食到咁上下就加湯打邊爐，豆腐串果然同風琴一樣一排排，食落個感覺有啲似炸豆卜，喺每一排風琴式嘅罅度索盡多寶魚嘅湯汁，非常惹味。
魚皮餃，烏蠅館呢度嘅魚皮餃廚師會先將佢淥到七八成熟，上枱之後只係放入湯汁入面，稍微翻滾多一陣就食得，非常貼心。
土豆粉，原本我諗住嗌寛粉呢一類用嚟襯川味嘅無敵配搭，但係伴侶話想搞搞新意思，試吓呢隻未食過嘅土豆粉，土豆粉口感特別，個口感係介乎上海麵同埋薯粉之間，煙靱得嚟又有啲彈牙，值得一試。
張貼
