韓宮炸雞

營業中

休息中

我偶爾都會經過紅磡，始終紅磡依家都一直發展，而當黃埔站起好嘅時候，我應該會更頻密黎呢邊行。今次就去到黃埔站出口正對住嘅呢間韓國餐廳。我覺得呢一間野都幾好食，佢其實整左一個位係外賣用，但唔知係未開黎用定咩，我都係入左店入面點野食。個門面其實都好搶眼，一眼就望到。芝士炸雞我個人覺得炸雞配芝士係最好食，雖然食完會好飽肚，但係好食嘅，呢啲就唔係特別大嘅問題啦。呢一個芝士炸雞熱烘烘的，好好食，而佢用嘅芝士亦都好濃芝士味，但又唔會蓋過炸雞嘅味道。炸雞嘅外層亦都炸得好脆口，整體黎講好好食。炒粉絲食得炸雞配公仔麵又或者撈麵多，所以今次就點左一個炒粉絲。炒粉絲配嘅雜菜比較多，而且撈埋粉絲一齊炒，整到成碗都好入味。粉絲我覺得比麵好嘅就係冇咁飽肚。如果用麵配埋炸雞嘅話我應該食唔哂，而咁樣的話，份量就剛好啦。我發現其實堂食嘅選擇都有好多，我亦都有啲想去食下。我諗我下次有時間嘅，再經過就應該要坐低食下堂食嘅食物。