BAKE Cheese Tart (已搬遷) 新店位置

曾經要排成個鐘隊先可以買到食到嘅日本BAKE，現在已經唔洗排到去後樓梯喇。呢日同一班小朋友及家長聚會，我買左兩打比大家做下午茶。因為個撻係由日本空運到港先焗熱出售，我覺得同係日本食嘅無分別，只是價錢貴些。個曲奇撻皮有牛油味，好香脆。個軟心芝士好幼滑香濃，大家都好喜歡，我家小朋友仲連吃兩個。有剩餘4個我隔天再用焗爐返熱，個芝士餡依然軟滑，個撻皮翻焗已經去唔返即日個香脆度，但又不致係淋，還可以。