陳儀興飯店 (嘉悅)

營業中

休息中

今日約咗長輩去食飯，都係中菜比較適合。知道佢鍾意潮州菜，上網搵咗，一齊嚟試一試。距離地鐵行一陣，係屋苑入邊，所以我哋都上地圖搵咗一陣。地方有點逼，檯與檯之間都幾近。食物都OK。我哋叫咗滷水鵝片，唔算好大碟，一人一兩塊，都切得幾薄，下面芽菜好多。張相係食咗幾塊先至影😜之後食蠔仔餅，炸得熱辣辣，好香脆，可惜比較多油。仲叫咗咕嚕肉，甜甜酸酸，幾好食，賣相都幾靚。訂位時一早預留嘅羊腩煲，都幾大煲，羊腩炆得好腍，腐竹朔晒啲汁，仲有冬菇，馬蹄同芹菜。上菜時另外加多一碗羊腩汁，怕你乾水都可以加湯，夠細心。不過可能好多人都叫羊腩煲，所以越食越熱，因為一台一煲，最後留住汗走😅