新麻蒲 BBQ (東港城) (已結業)

韓國人參湯，我和朋友都係粉絲，今日大家相約，唔食烤肉，目標係飲湯。那晚星期四，人唔算多，兩個人都比我坐大卡位，好舒服。叫了人參雞湯，我地特登揀辛辣，因為叫了大盤海鮮，想自製人參海鮮又辛辣湯! 湯來了，熱辣辣的，我地特登唔飲湯住，先加D海鮮落去先。加了虎蝦，蜆，青口，小棠菜，黃芽白，蟹，扇貝，全部落齊，待食材熟後咩都唔食住飲咗個頭啖湯先。湯真係鮮鮮鮮，加上好勁的辛辣衝著味蕾而出，呢D人參海鮮辛辣湯，先至係精華所在，大家齊齊飲幾杯，熱血沸騰面紅紅，無得彈! D蟹肉好鮮，扇貝肉厚鮮甜，虎蝦又大隻，重有D青口，蜆，鮮鮮鮮，超好味。其實D菜黃芽白同棠菜灼腍D，吸收湯汁，也十分好味，特別係黃芽白韓國貨來，有甜味，好好食。今次唔食烤牛豬，都咁正。