寶蓮素食 (已搬遷) 新店位置

呢間齋鋪好出名 ... 小時候, 在中環皇后戲院及娛樂戲院睇戲, 在未播「不日上映」時, 必會播一大段廣告, 最記得就有Do Do 姐嘅康泰, 其二就是荃灣眾安街嘅寶蓮素食 (因為當時嘅我根本未到過荃灣咁遠嘅地方, 只係知道地鐵紅色線搭到最尾就係荃灣, 那些年的小朋友是會比賽看誰會背得多地鐵站名)就算現在也不時會見到人龍排隊買齋, 今天剛巧路過而為食之心又起, 咁就走去排一份剩買酸齋只需$15已一大盒, 睇得出麵筋有先炸透才拿去炆煮, 因此甜酸味已被嗦晒入麵筋, 麵筋鬆軟皮薄, 一啖放酸齋入口會有爆汁效果, 只是甜酸汁中的茄醬帶有討厭的鐵罐味