新桂香燒臘

營業中

休息中

今日又係燒味之旅，又係雞鴨飯，冇叫叉燒燒肉食因爲驚豬瘟。好喇，今次係去咗柴灣嘅新桂香。久聞其名，今日一試。叫咗切雞鴨飯，最近啲食親雞鴨飯唔係有雞脾就有鴨脾，都幾好彩，今次有雞脾。又係脾+胸嘅配搭。新桂香嘅雞同再興有啲唔同，佢真係白切雞，冇醃過，只有雞味，有啲肥啲，啱啱熟，好滑，反觀再興果啲好瘦，但有味，各有特色。蔥油好好味，因多蔥，中意蔥可以叫多蔥！而燒鴨呢，其實燒鴨或者燒鵝最好食係塊皮，肉係其次。新桂香燒鴨醃得好夠味，而且燒得靚，塊皮漲卜卜，咬落去有鴨油泌出黎，好惹味。而汁呢，應該係燒鴨汁加蜜加埋製成，香甜惹味，不過我唔中意甜，都係叫走汁好啲。