八木橋日式燒肉

營業中

休息中

週末同男朋友去旺角溜達，經過時見到一間裝修唔錯嘅燒烤店，感興趣就行去睇下菜單。啱啱又係午餐時間，就索性喺度食咗午餐。呢間店叫八木橋，位於T.O.P 4樓。呢間店有4種套餐，而我哋揀咗霞餐，一個人$438。好多款食物都係任食嘅，包括多款牛肉、雞肉、海鮮等等。真心覺得真係好抵。仲未開始燒肉之前，先食一食我哋揀嘅前菜，牛肉粟米。香香嘅牛油味搭配上顆粒鮮明嘅粟米，香氣十足，味道均勻，每一粒粟米都圍繞住牛油嘅香甜味，好味。我哋仲食咗多春魚。多春魚嘅營養價值好高，具有護膚嘅功效。燒烤後嘅口感非常酥脆，魚肉嘅味道亦都好鮮美，好味到爆。過後我哋就開始燒肉啦，可以見到拼盤上有多款和牛肉提供。有和牛三角腩、和牛嫩肩肉、和牛外腿肉等等。每款和牛肉各有特色，但係都一致咁好食，鮮嫩、香滑、有嚼勁、多汁。食到最後我哋肚子都好飽。食完之後我哋嘅結論係，食物質素都好高，環境亦都唔錯，只要食得夠多夠開心，肯定值回票價。