影片
更多
2010-06-16
33 瀏覽
哈日族友人生日，佢係事頭梗係佢話事食乜，我哋負責俾錢啦。老友都算唔話得，就住我哋個荷包揀哩板長，印象中板長都係名廚效應大D，食物唔錯但又唔係驚為天人個種，價錢中檔次左右啦，久唔久又有D平價壽司推廣，都算食得過嘅！環境同招呼，就普通D喇，佢個場唔做賣壽司魚生，即刻轉做賣西餐都得，所以無乜個性、無乜食日本嘢嘅氣氛；名氣關係，人流旺，加上又係鏈鎖店，招呼都變得有D機械化，同埋有時揮極手都無人理咁！唉，講番食仲好啦：剌身 - 三文魚，新鮮肥美就已經OK喇！不過，一客份量真少，白蘿蔔絲仲大舊過D三文魚剌身。壽司 - 火炙魚、秋刀魚、墨魚鬚、芝士蟹棒、帆立具、三文魚壽司、三文魚醬油漬、油甘魚壽司、甜蝦壽司，唔係件件試晒，不過整體唔錯，比較覺得好食係個甜蝦壽司同三文魚醬油漬壽司，前者真係鮮甜富蝦味，後者就將醃過嘅三文魚再火炙，味道有種濃香嘅醬油味。而飯粒都搓得鬆軟而不散，唔會一夾就散開晒！小食 - 燒玉子，生日朋友推介，確實有水準，一層一層嘅「炒蛋」，難得賣個$12一客，功夫都抵番啦，況且，D蛋做得軟熟又唔老！創作壽司卷 - 蔥粒吞拿魚卷、佐賀和牛卷、鰻魚生春卷，甚麼創作壽司卷，食前有D期望，不過食
唉，講番食仲好啦：
剌身 - 三文魚，新鮮肥美就已經OK喇！不過，一客份量真少，白蘿蔔絲仲大舊過D三文魚剌身。
壽司 - 火炙魚、秋刀魚、墨魚鬚、芝士蟹棒、帆立具、三文魚壽司、三文魚醬油漬、油甘魚壽司、甜蝦壽司，唔係件件試晒，不過整體唔錯，比較覺得好食係個甜蝦壽司同三文魚醬油漬壽司，前者真係鮮甜富蝦味，後者就將醃過嘅三文魚再火炙，味道有種濃香嘅醬油味。而飯粒都搓得鬆軟而不散，唔會一夾就散開晒！
小食 - 燒玉子，生日朋友推介，確實有水準，一層一層嘅「炒蛋」，難得賣個$12一客，功夫都抵番啦，況且，D蛋做得軟熟又唔老！
創作壽司卷 - 蔥粒吞拿魚卷、佐賀和牛卷、鰻魚生春卷，甚麼創作壽司卷，食前有D期望，不過食咗就有D失望，因為覺得普通咗D囉，無論賣相、味道都普通。吞拿魚卷，細粒到死，吞拿魚餡得個少少；和牛卷，其實個樣都算唔錯，但個師傅做得好「求期」，唔認真，和牛碎濕濕又跌咗D出哩，最差係放面做裝飾嘅蔥絲，真係極之「求期」放一撮就算，而且，賣成$35客，貴晌D和牛度，點知D和牛感覺又有D嚡口，失望至谷底啦；生春卷，似足越南春卷，不過用咗鰻魚做主角變咗日菜，無咩特別，可以唔使係度食依樣嘢，不過賣個$18，有興趣都不妨一試嘅。
揚物 - 明太子雞翼，揚物即係油炸菜系，今次唔試天婦羅，試咗依個明太子雞翼，即係鱈魚子釀雞翼，鱈魚子填得滿滿，唔腥，但又無話好好食，可能炸咗之段，裡面嘅魚子溶埋一咋，口感好似食緊D蟹糕咁。
麵食 - 海鮮烏冬鍋，味噌湯底，有炸蝦、蟹柳同魷魚，份量少少，加埋D冬菇、粟米、青菜做配菜，烏冬軟硬度適中又夠滑身，食到「雪雪聲」，飽肚墊底選擇之一。
甜品 - 日式甜蕃薯，又係生日朋友推介，果然無介紹錯。一客大概6、7舊左右，蕃薯有層薄薄嘅糖漿，再添上點點黑芝麻，食落好香蕃薯味，又甜而不「漏」，賣$15，相信佢都唔會用日本蕃薯哩整，叫「日式」甜蕃薯，應該係指個做法啫，因為小弟有次貪口痕晌City Super買咗條日本蕃薯返屋企焗，細細條（等於兩條腸仔大細左右）都要成十幾蚊，如果個日式甜蕃薯真係用日本蕃薯整，怕維唔到皮呀，至於個條日本蕃薯食完又唔係話超正，未至於值十幾蚊囉！
張貼
