影片
更多
2017-04-13
674 瀏覽
話說，有個在海港城返工的朋友約我傾嘢，叫我去佢公司對面食個午餐，佢話試過好正，於是我叫埋我個同事一齊去，原來係食浜燒的一間餐廳。裝修都幾骨子，而且幾日本風，又坐得舒服，環境唔錯幾寧靜（仲有outdoor 位）。看看餐牌，有好多款定食揀，以地段同裝修來看，價錢又唔算好貴喎，我叫左個雜錦刺身丼：話說呢個雜錦有海膽油甘魚三文魚拖羅劍魚腩三文魚子... 我數得出已經有咁多種刺身，而且真係款款新鮮，有啲好似有兩片，都算幾抵食！可以同時食到咁多款又新鮮又美味的刺身，感覺好幸福！旁邊的蒸蛋同沙律都一絲不苟的，個蒸蛋好滑，沙律菜好新鮮！特別想提一提嗰片拖羅啦，入口即溶，再加上甜甜的玉子，幾清新。食到劍魚腩！想起曾經有個朋友用肥豬肉來形容劍魚腩，肥豬肉又怎可以俾媲美劍魚嘅可口呢？劍魚有肥豬肉的滑溜香膩，但係亦有劍魚獨有的甘鮮，所以先咁正！食緊個飯嘅時候，個蟹蓋同帶子已經放了上枱準備犧牲了！重視口中有美味的學刺身丼，眼睛都離不開呢兩個美物帆立貝係一啲都唔平凡架，可能火候掌握得好好，食落口嘅帆立貝除了十分之鮮美，肉質亦都係好爽口彈牙！個蛋仔同埋啲蟹膏撈埋蟹肉呢個配搭叫人怎樣抵擋得了？幼滑到極點的蟹膏大包圍的
話說，有個在海港城返工的朋友約我傾嘢，叫我去佢公司對面食個午餐，佢話試過好正，於是我叫埋我個同事一齊去，原來係食浜燒的一間餐廳。
裝修都幾骨子，而且幾日本風，又坐得舒服，環境唔錯幾寧靜（仲有outdoor 位）。
看看餐牌，有好多款定食揀，以地段同裝修來看，價錢又唔算好貴喎，我叫左個雜錦刺身丼：
話說呢個雜錦有海膽油甘魚三文魚拖羅劍魚腩三文魚子... 我數得出已經有咁多種刺身，而且真係款款新鮮，有啲好似有兩片，都算幾抵食！可以同時食到咁多款又新鮮又美味的刺身，感覺好幸福！旁邊的蒸蛋同沙律都一絲不苟的，個蒸蛋好滑，沙律菜好新鮮！
特別想提一提嗰片拖羅啦，入口即溶，再加上甜甜的玉子，幾清新。食到劍魚腩！想起曾經有個朋友用肥豬肉來形容劍魚腩，肥豬肉又怎可以俾媲美劍魚嘅可口呢？劍魚有肥豬肉的滑溜香膩，但係亦有劍魚獨有的甘鮮，所以先咁正！
食緊個飯嘅時候，個蟹蓋同帶子已經放了上枱準備犧牲了！重視口中有美味的學刺身丼，眼睛都離不開呢兩個美物
帆立貝係一啲都唔平凡架，可能火候掌握得好好，食落口嘅帆立貝除了十分之鮮美，肉質亦都係好爽口彈牙！
個蛋仔同埋啲蟹膏撈埋蟹肉呢個配搭叫人怎樣抵擋得了？幼滑到極點的蟹膏大包圍的方式侵蝕着其中鮮味到極點的蟹肉絲，人間極品啊！仲可以放上薯片上面食，別有一番滋味！
張貼
