和味館 (已結業)

而家都盡量避免周圍去，喺附近開餐就算數。新開張嘅和味館就成為咗我哋必然嘅選擇！其實呢間係好似酒樓咁嘅格局，不過我覺得價錢就比酒樓平少少。先要一支消暑啤酒，20幾蚊都幾抵。小食要左滷水炸豆腐，味道唔係好鹹，外皮脆脆地，都幾好食。侍應推介燒味好食，我地點左燒肉！估唔到咁大碟，每一件都脆卜卜！好正！跟住仲要左一碟煎藕餅，不過就覺得蓮藕嘅份量少左啲，唔夠爽口啊～最後要食個蔬菜啦，我哋揀咗花膠海味雜菜煲，清清淡淡，幾健康的！最咪仲有糖水送，甜品控即時開心晒～