影片
更多
2020-03-30
37 瀏覽
今時今日，想出街食餐飯，都會想揀間質素高之餘又唔會太多人，最重要就係餐廳要注重衛生，咁就食得安心又放心。所以去到銅鑼灣，我同朋友就決定行遠少少，去大坑搵野食。一向都覺得大坑呢個地方好特別，位於銅鑼灣同天后之間，無商業既氣息，而且仲帶點外國風情，好似好多國家既菜式都會喺呢度搵到咁。今日我地就打算食日本菜，所以就揀左呢間NikuNiku.Niku Niku係一間主打和牛燒肉既日本餐廳。「NikuNiku」呢個咁可愛既名，原來譯返做中文就係「肉肉」咁解。Niku係日文既發音，日文就係「肉」既意思，睇到個名就令人覺得呢度必定係肉類既專家。我地點左特上和牛小排、雜錦內臟盛合、日本赤雞腿肉用黎烤肉同埋一個和牛Toro蓋飯。🐮特上和牛小排 $390牛小排肉質紮實，而且油脂分佈非常靚，簡單燒好兩面，食落口有入口即溶既感覺🐮雜錦內臟盛合 $200喺日本燒牛內臟係好普遍，亦都好受歡迎。有啲人會覺得動物既內臟有腥臭味，而且形狀怪異，所以都唔會食。但事實上，只要經過正確處理，內臟就唔會有腥臭味，而且更加有一份獨特既美味。所以，喺香港，通常只有高級既燒肉店先會提供各式各樣既內臟。雜錦內臟盛合分別有牛舌、牛腸同埋
今時今日，想出街食餐飯，都會想揀間質素高之餘又唔會太多人，最重要就係餐廳要注重衛生，咁就食得安心又放心。所以去到銅鑼灣，我同朋友就決定行遠少少，去大坑搵野食。一向都覺得大坑呢個地方好特別，位於銅鑼灣同天后之間，無商業既氣息，而且仲帶點外國風情，好似好多國家既菜式都會喺呢度搵到咁。今日我地就打算食日本菜，所以就揀左呢間NikuNiku.
Niku Niku係一間主打和牛燒肉既日本餐廳。「NikuNiku」呢個咁可愛既名，原來譯返做中文就係「肉肉」咁解。Niku係日文既發音，日文就係「肉」既意思，睇到個名就令人覺得呢度必定係肉類既專家。
我地點左特上和牛小排、雜錦內臟盛合、日本赤雞腿肉用黎烤肉同埋一個和牛Toro蓋飯。
🐮特上和牛小排 $390
牛小排肉質紮實，而且油脂分佈非常靚，簡單燒好兩面，食落口有入口即溶既感覺
🐮雜錦內臟盛合 $200
喺日本燒牛內臟係好普遍，亦都好受歡迎。
有啲人會覺得動物既內臟有腥臭味，而且形狀怪異，所以都唔會食。但事實上，只要經過正確處理，內臟就唔會有腥臭味，而且更加有一份獨特既美味。所以，喺香港，通常只有高級既燒肉店先會提供各式各樣既內臟。
雜錦內臟盛合分別有牛舌、牛腸同埋牛橫隔膜。呢份咁豐富既盛合都只係$200, 實在非常抵食，尤其適合初嘗內臟既朋友。
牛舌切片型式奉上，厚薄適中。牛舌口感嫩滑，肉質柔軟而且多汁，係其他部位都唔能夠媲美既。
牛橫隔膜其實係幫助牛牛呼吸用既肌肉，所以其實佢又算係內臟，又算係牛肉。横隔膜肉質柔軟、油花分布均勻、肉味濃烈，連唔太接受到牛內臟既朋友都話好食。
牛大腸比較肥美，當燒烤過後油香濃郁，而且仲有少少焦脆。牛腸口感特別柔軟，雖然油脂多，但味道清爽，唔會覺得好油膩。
🐣日本赤雞腿肉 $145
雞腿肉非常滑，而且肉味濃郁，店鋪有將雞肉醃過，調味剛剛好。
🍚和牛Toro蓋飯 $175
新鮮既生牛肉呈現係絕佳既粉紅色，雖然係生牛肉，但完全無腥味或者覺得難以吞嚥，配埋生雞蛋撈飯食，非常美味。
張貼
