La Moo Moo' s Steak and Fries

營業中

休息中

環境5分：正常西餐廳格局，樓底好高，非常開揚嘅景觀，扒房黎講Ｄ燈好romantic，可以畀五分。衛生5分：地方望落都好乾淨企理，安心可以畀五分。服務5分： Ｄ外籍服務員好friendly，落單上菜夠爽手，加水加到冇停手，爆場情況下都無影響，中途都有問對食物滿唔意同夠唔夠飽，一樣滿分。味道5分：1)      凱撒沙律入面D羅馬生菜非常新鮮，沙律醬汁剛剛好，唔會太多唔會太少，麵包糠卜卜脆，上面仲有四分一隻溫泉蛋，係加分位！2)      一個餐包分兩半，每邊用牛油燒過下，個包好軟熟又脆皮同夠熱，真心好好食。3)      個忌廉南瓜湯非常濃郁，飲曬的確幾飽肚。4)      長長嘅燒豬肋骨差不多有成十多節，差唔多成隻碟咁長，側邊有薯條同少少沙律菜伴碟，薯條係任食嘅，加幾多次都冇問題。主角豬肋骨非常之淋，基本上都唔使點用力就可以撕開Ｄ肉出嚟食，點埋個燒烤醬就非常之野味。抵食5分：三百幾蚊又有餐湯，沙律，麵包，主菜，薯條任食，重要係環境唔差嘅西式餐廳， 呢個價錢真係非常之抵食。