越興園越南菜館 (已搬遷) 新店位置

今日中午經過女人街，隨意搵間餐廳，呢間餐廳位置比較唔起眼，入到去個環境比人感覺麻麻。越式牛肉炒河（$42）呢款越式炒河味道同平時茶餐廳嘅炒河粉冇乜分別，味道一般，加少少辣椒醬好食啲，河粉量好多食唔曬。半隻南乳吊燒雞（$65）燒雞肉質都算嫩滑，燒雞皮唔夠脆，點埋南乳汁，個汁鹹鹹地，味道不錯，一齊食幾好食。炒河送一杯飲品，總數食左107蚊，呢個價錢，係旺角食有呢個質素都算係咁。我見menu其他午市套餐都好似唔錯，下次可以再黎試試。