坂奈 (已結業)

早早之前黎食仲係一間拉麵店，今晚來到已經換上一間日式燒魚店。一人行來到就入去食個晚餐，試下新餐廳啦。餐廳主打燒魚，另有日式小食。先來一枝白桃汁。日本產地零舍不同，白桃味道清甜唔會太甜膩，清清地岩哂夏天飲呀。主食叫左最出名既吞拿魚額頂柳。依個部分好少食到，而且唔多，所以好希有架燒香吞拿魚額頂柳油脂非常高，入口即溶魚香極重，加上檸檬汁剛剛平衡番魚油，入口魚味濃香配白飯剛好，套餐配上前菜、漬物和湯。另叫一個小食，我最愛既芝士年糕。即叫即燒入口軟綿綿，芝士流心度極高好香好濃，唔會好膩好濟，好惹味。