嵐川日本串燒 (已結業)

舊區閒遊，睇下有咩新奇嘅野，見到蘇杭街新開咗間日本野，又冇咩人，唔使等位，就入去試下。有十幾款午餐便當選擇，咁我就揀咗個燒鰻魚，因為宜家市面上好多燒鰻魚同鰻魚壽司都係唔好食嘅。先上飲品同麵豉湯，然後就上便當，便當個盤係一個大盤，冇分隔，都幾特別。串燒有一串冬菇及一串雞肉，燒得唔錯，尤其係冬菇，主食燒鰻魚對辦，有四件，肉厚又重魚油，燒得剛好皮脆及有油香，係小數相近價格食店燒得較好食嘅。其他仲有枝豆、沙律、白飯，都ok，最後送上雪糕糯米滋做甜品。埋單$75唔使加1，唔算話平，但但到質素唔錯嘅串燒都係可以接受。