營豐海南雞專門店 (已結業)

今日起鰂魚涌嘅office番工，因為近月臨近月尾加上有好多野做，於是決定搵間平平地嘅外賣店買番office食。Openrice見依間鋪好似幾平，又多款式簡，lunch set大概三、四十元，對附近嘅上班族嚟講可以話係平價之選。見佢寫明係海南雞專門店，就叫咗個無骨海南雞飯食。招牌脫骨海南雞飯($45)個飯份量超多，女仔建議叫少飯，個飯好重雞油同薑黃香味。d雞大部分係雞胸，全部都好嫩好滑，雞皮亦都好爽口。d雞下面有d醃蘿蔔，酸酸地幾好食。我同同事為食，所以另外叫咗炸雞球($30)諗住做小食。點知一打開個碗即刻嚇親，個份量超級多，放滿一碗，完全係俾人買番屋企做餸。懶煮飯/冇時間煮嘅打工仔收工可以買嚟做餸。