蛇王芬

營業中

休息中

中午一個人去食午餐，經過公司附近，有間食蛇嘅舖頭，於是我就入咗去，叫咗個套餐，燕窩蛇湯海鮮節瓜盅套餐。呢個套餐包一盅湯同埋一碗飯。蛇湯上面有好多燕窩，見到上面有一絲一絲嘅蛇肉，好有蛇肉嘅鮮味。湯入面有一嚿節瓜，中間讓左少少薏米，感覺好清新。蛇湯非常之鮮美，感覺調味料唔多，鮮味都係來自新鮮食材，好好味。套餐除咗蛇湯之外，仲配一盅臘腸蟹肉蛋白炒飯，炒飯加咗少少紫椰菜，色彩好豐富，賣相唔錯。臘腸超級惹味，蟹肉加上蛋白，非常新鮮，食得出蟹肉嘅鮮味，而炒飯嘅飯底，亦都相當講究，一粒一粒炒到乾爽嘅，好有口感。蟹肉睇得出係真材實料，因為意外地發現蟹肉夾雜咗少少蟹殼碎片。原來呢度嘅臘腸同潤腸係好出名嘅，係有得散買臘腸，俾你返屋企自己蒸嚟食。套餐仲送一杯冰凍嘅蔗汁，蔗汁有好鮮甜嘅味道，超正。一邊食一邊聽到老闆娘講，原來識蛇湯或者蛇肉係好有益嘅，仲可以防癌，原來香港中文大學一位教授早已經証實左，係有醫學根據嘅。