影片
更多
2023-07-08
970 瀏覽
早幾日食完日本菜，吃貨既我又開始心郁郁想食😈但又唔想食重複既餐廳，於是就係收工附近搵埋朋友一齊撐枱腳，重點係今日好熱🥵最後揀左依間係V Walk商場既漁釧，完全係發現新大陸既感覺🤫裝修充滿日式木系風格，有大量清酒做裝飾，空間闊落，選擇好多，有壽司，刺身丼，拉麵，卷物，鐵板等等，最後嗌左5款菜式，每款都好滿意🤭✨極上四式刺身丼🐟 $138四式刺身分別有三文魚、帶子、吞拿魚蓉和赤蝦，三文魚份量都多，有around十二舊，仲有d係腩位🥰油脂豐富，幾款魚生都好新鮮，厚肉飽滿，每一啖都可以刺生＋飯咁食🤪完全唔驚唔夠刺身送飯。帶子鮮甜，赤蝦肉質彈牙，吞拿魚蓉份量都唔少，見幾好食再追加左一份吞拿魚腩卷！！依個丼飯晚市黎講好抵食👍🏻出去尖沙咀／旺角地鋪都唔止依個價，最重要係刺身份量足夠，絕對值得再黎😎✨足量香蔥吞拿魚腩卷$148本來係想叫香芒大蝦卷8件，但諗諗下又覺得差唔多價錢食吞拿魚腩好似抵d，亦有諗過menu張圖會唔會吹大左，咁多餡料。事實證明我諗得太多真係好大舊🤩夾上手果陣仲因為太多餡料跌哂出黎😂真係好論盡哈哈。講番食材本身，吞拿魚腩蓉美味，混合香口既油脂😋啖啖滿足💯而且完全唔會好油膩，因為中間
早幾日食完日本菜，吃貨既我又開始心郁郁想食😈但又唔想食重複既餐廳，於是就係收工附近搵埋朋友一齊撐枱腳，重點係今日好熱🥵最後揀左依間係V Walk商場既漁釧，完全係發現新大陸既感覺🤫裝修充滿日式木系風格，有大量清酒做裝飾，空間闊落，選擇好多，有壽司，刺身丼，拉麵，卷物，鐵板等等，最後嗌左5款菜式，每款都好滿意🤭
✨極上四式刺身丼🐟 $138
四式刺身分別有三文魚、帶子、吞拿魚蓉和赤蝦，三文魚份量都多，有around十二舊，仲有d係腩位🥰油脂豐富，幾款魚生都好新鮮，厚肉飽滿，每一啖都可以刺生＋飯咁食🤪完全唔驚唔夠刺身送飯。帶子鮮甜，赤蝦肉質彈牙，吞拿魚蓉份量都唔少，見幾好食再追加左一份吞拿魚腩卷！！依個丼飯晚市黎講好抵食👍🏻出去尖沙咀／旺角地鋪都唔止依個價，最重要係刺身份量足夠，絕對值得再黎😎
✨足量香蔥吞拿魚腩卷$148
本來係想叫香芒大蝦卷8件，但諗諗下又覺得差唔多價錢食吞拿魚腩好似抵d，亦有諗過menu張圖會唔會吹大左，咁多餡料。事實證明我諗得太多真係好大舊🤩夾上手果陣仲因為太多餡料跌哂出黎😂真係好論盡哈哈。講番食材本身，吞拿魚腩蓉美味，混合香口既油脂😋啖啖滿足💯而且完全唔會好油膩，因為中間會有一條青瓜仔，清新既感覺會中和番，而且佢飯唔算多，其實幾好🤓
✨鐵板牛舌 $68
望落好似唔大碟，但牛舌份量都ok，可惜牛舌薄切得好細塊，所以口感煙韌彈牙度差少少，相比其他菜式係有點失望，但醬汁就好吸引😁甘甘甜甜，有少少似壽喜燒汁，加上軟腍既洋蔥入味，每一啖都有想加一啖白飯既衝動😛🍚
✨鰻魚柳川鍋 $102
鰻魚柳川鍋簡稱滑蛋鰻魚🤣鰻魚份量都多差唔多大半條分左4舊，洋蔥汁香濃惹味🤤甜甜地，滑蛋嫩滑，亦混合左鰻魚醬汁既味道，兩者融為一體，至於鰻魚肉都十分厚身😚亦無骨，大滿足，整碟菜式配埋飯食一流，最後將刺身丼既飯用左黎配滑蛋鰻魚，信我，好夾😈
✨濃厚醬油雞白湯拉麵 $108
最後驚唔夠飽就嗌多左一份雞白湯拉麵，老實講都係純粹想嗌d 熱辣辣濕濕地既菜式暖下個胃😏畢竟佢都唔係主打食拉麵既鋪頭。但估唔到完全喜出望外，雞白湯，味道濃郁而且湯身濃稠🥳忍唔住飲左3，4啖先開始試佢既麵質，話出色過大部分九龍既拉麵地鋪都不為過，配料有木耳，紫菜，蔥粒，溫泉蛋，但就完全唔係流心，有點傷心😭叉燒就偏薄身但係有炭燒既味道，油脂香口，入口即化，都幾好味😙
✨白桃梳打/蘋果梳打
果汁味好出，梳打有氣夏天消暑一流，蘋果味會較為好飲😁
小總結，絕對會再食既一間高質日本菜餐廳，不論係刺身/熟食/拉麵都好好食☺️食材新鮮，份量足料又抵食🤞🏻而且仲係商場入面地方就腳，唔洗下下係尖沙咀/旺角周圍搵地鋪食日本菜，尤其係夏天，真係行多兩步都已經大汗搭細汗🥵
張貼
