劉興記生煎包專門店

營業中

休息中

之前睇唔同人介紹呢一間生煎包好好食，過去上環等完老公收工就過上環食。平時見好多人等位，好在今日平日夜晚冇咩人，好方便可以掃QR code落單。招牌生煎包2隻$20一擺入口熱辣辣，咬落去啲肉針爆曬出嚟，個底煎到好香脆，正🤤🤤蟹黃生煎包$18一隻個底亦都煎到好香脆，入面個蟹黃味好香，估唔到同生煎包係咁夾👍👍麻醬手撕雞粉皮$35好大碟，份量好多，青瓜絲同粉皮個比例啱啱好，青瓜絲令到唔會食到有好滯嘅感覺。上海排骨湯麵$42排骨炸到好酥脆，唔會過油，麵底係用上海麵。手功豆沙窩餅$28聞落好香豆沙味，個豆沙味只係少少甜，對於我黎講覺得好適中。豆漿$8叫左兩杯，豆味都算幾濃🤣🤣店員好細心，見我哋有啲熱，就開個風扇俾我哋🥰🥰兩個人食咁多都只係$159，性價比高呀。