影片
更多
2024-06-06
120 瀏覽
早有聽聞呢間新開嘅生煎包店最近好hit，鍾意食生煎包嘅我梗係要黎朝聖啦！約左朋友星期六黎上環分店食，下午2點左右好快就可以入座喇！我地兩個都未食野，所以叫左4隻生煎包外，再叫左一碗雞絲酸辣湯麵，同埋一碗擔擔麵，一次過試曬招牌上海菜式。首先上場嘅係雞絲酸辣湯麵，份量大大碗，熱辣辣，而且用料十足！酸辣湯好開胃，唔會太辣，好適合為生煎包解膩。麵條好似烏冬咁好掛湯，不知不覺已經食曬大半碗。之後擔擔麵好快就黎喇，放上枱已經聞到香香嘅花生同花椒味，賣相令人垂延三尺。今次嘅麵條就係正宗嘅幼麵，非常彈牙，配上濃香嘅湯汁，簡直味蕾大爆發啊！個人係十分推薦呢道菜式嘅！食下食下主角終於出場喇 - 4隻新鮮熱辣嘅生煎包！比我想像中大隻，輕輕咬一口皮，見到入面滿滿嘅湯汁已經食指大動！係湯汁多到漏出來之前趕快飲左佢，好清甜呢！然後，再慢慢享受煎到金黃香脆嘅包，配上充足嘅豬肉餡料，超級大滿足！整體而言，劉興記嘅菜式種類豐富而且份量充裕，非常抵食！
我地兩個都未食野，所以叫左4隻生煎包外，再叫左一碗雞絲酸辣湯麵，同埋一碗擔擔麵，一次過試曬招牌上海菜式。
首先上場嘅係雞絲酸辣湯麵，份量大大碗，熱辣辣，而且用料十足！酸辣湯好開胃，唔會太辣，好適合為生煎包解膩。麵條好似烏冬咁好掛湯，不知不覺已經食曬大半碗。
之後擔擔麵好快就黎喇，放上枱已經聞到香香嘅花生同花椒味，賣相令人垂延三尺。今次嘅麵條就係正宗嘅幼麵，非常彈牙，配上濃香嘅湯汁，簡直味蕾大爆發啊！個人係十分推薦呢道菜式嘅！
食下食下主角終於出場喇 - 4隻新鮮熱辣嘅生煎包！比我想像中大隻，輕輕咬一口皮，見到入面滿滿嘅湯汁已經食指大動！係湯汁多到漏出來之前趕快飲左佢，好清甜呢！然後，再慢慢享受煎到金黃香脆嘅包，配上充足嘅豬肉餡料，超級大滿足！
整體而言，劉興記嘅菜式種類豐富而且份量充裕，非常抵食！
張貼
