劉興記生煎包專門店

營業中

休息中

劉興記開左一段時間，仲有熱潮，星期六6:30到都好多人! 今日叫左套餐，蔥油雞扒湯面會搭多隻生煎包，呢D餐好岩想食面又想試下生煎包既人! 留意到座位牆邊仲話豆漿可以任加，而且生煎包唔夠熱都可以換，感覺好有誠意。蔥油雞扒湯面雞扒炸到好香脆，雞肉嫩滑，本身調味好夠，好食! 湯面比較清淡，唔會太濃味，感覺好健康，如果想食重口味D，仲可以加埋佢既辣椒醬，都唔錯。招牌生煎包外皮好脆口，咬入去爆汁，內面就係軟淋淋既面包口感，肉餡好大舊，食到最後都keep住咁juicy!蟹黃生煎包蟹膏份量好多，食落好鮮味。豆沙窩餅次次黎我都會食，色澤金黃、外面香脆煙韌、甜而不膩。