P.B.S. Premium Burger & Sandwich (已結業)

邪惡指數: 🐽🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️話說上次食完sliders挑起左食burger嘅癮，所以就搵咗間專食漢堡喺銅鑼灣嘅「P.B.S. Premium Burger & Sandwich」💁🏻‍♀️ 估唔到咁·鬼·好•食！️💯不得了，一定要推介俾大家📢⭕️ 經典手工和牛漢堡第一次嚟就梗係要試吓佢嘅classic啦😏麵包外層輕脆內裡鬆軟，而重量級嘅餡料係由澳洲和牛同美國頂級安格斯牛煎成，牛味濃郁充滿油脂，咬落去肉汁仲爆哂出來💦超級邪惡😈漢堡仲加入炒洋蔥、芝士同煙肉去豐富味道，再用生菜、蕃茄同酸瓜平衡油膩感，配埋酸甜開胃嘅特製醬汁，成件事夾到無朋友🤤好耐冇食過咁正嘅漢堡，真係好食到即刻想encore！⭕️ 水牛城炸雞漢堡拎上手已經感受到嗰份重量，炸雞香脆可口仲要勁厚肉，水牛城醬汁香而不辣😍配料亦配合得絕妙，菠蘿烤完後超級香甜又爆汁🍍加上軟糯順滑嘅的牛油果蓉令整體口感味道更有層次同突顯到炸雞嘅滋味，如果唔鍾意食牛漢堡呢個絕對可以係一個好好嘅選擇✅⭕️ 炸魷魚魷魚炸得啱啱好，炸粉唔會太厚又唔油，魷魚食落彈牙爽口。仲配咗兩款醬點，無論點唔點都好食，小食質素一啲都唔馬虎👏