燒烤堂 (已結業)

黃埔花園半日遊， 又行埋黃埔號睇傢俬， 真係多姿多彩一日都行唔曬， 行到腳仔軟想搵間餐廳坐低歇一歇， 講到黃埔嘅食街一定係德民街一帶，仲聽講有唔少特式小店。於是我哋就搵到呢間燒烤堂，店外裝修以居酒屋嘅格局，原來已經俾佢吸引住都唔知。每台客坐低無耐都有店員介紹同推介幾款小食。當中包括牛仔骨，服務態度相當良好。講解過後，憑著張菜單紙仔就點咗以下食物。1,燒雞皮2,虎皮尖椒3,芥末豬頸肉4,黑豚肉韭菜花卷5,牛油蒜蓉焗雜菌5,鵪鶉蛋蟹子冷蕎麥麵6,韓式牛仔骨其實整體食材我覺得極新鮮，燒得夠晒火喉香噴噴，而個人覺得，精髓係在於枱上的兩支調味粉，一支係辣粉，另一支係類似孜然粉的東西，極配合重口味的我。意想不到的是雞皮竟帶比我驚喜，原來係一大塊上，仲燒到卜卜脆，隨自己喜好加上辣粉後，極邪惡，第一次咁食燒雞皮，飲埋支冰凍啤酒正爆！至於被推薦的牛仔骨，真係有韓燒嘅感覺，帶有小甜的風味，將骨位同肉切好分開，食的時候不會太大件而且小塊更加入味，用生菜包住泡菜甘青瓜條甘筍條，別具一番風味。對比一般嘅串燒店都整到皺皮又扁又腍，呢度質素包括環境真係的確高一線，喜歡食串燒嘅朋友呢度有得諗。