影片
更多
2019-07-17
44 瀏覽
就咁講荃灣陂坊，可能唔知喺邊度。其實荃灣4個陂坊(大/二/三/四)正正就係全區最旺嘅眾安街同沙咀道十字路口交界所𠝹開嘅4個內街區域。位於四陂坊嘅火狐爐端燒亦好易搵，喺千色匯二期一出，最受街坊喜愛超人氣米線店隔離就係。同日本爐端燒/居酒屋一樣，店外同舖內牆身都有店家嘅當日推介，部分美食係menu冇嘅。所以除咗睇手上本menu，記得都望吓載有重要訊息嘅牆啊。店舖裝修走日式居酒屋風格，牆上貼有多幅井上雄彥嘅浪客行宮本武藏海報，唔通老闆係fans！？忌廉薯餅一份2件。新鮮炸出唻外皮香脆，唔會太油，入面忌廉薯蓉幼滑唔鹹。牛舌根本上係爐端燒必點食品。最簡單唻分，近舌尖部份會相對有咬口，近舌根部份就淋啲(少少似午餐肉)。火狐提供嘅係前者，一串有4片。牛舌質量不錯，簡單用黑椒同鹹調味已經超好味，燒完熱辣辣但又唔會乾身，有咬口得唻又有肉汁，必食推介。黑豚五花腩，一樣一串有4片，燒過嘅五花腩保留到香味，肥膏部部燒完出咗油，感覺唔膩口，咬落亦唔會淋滋滋，好味。雞軟骨黃金燒。口痕必點雞軟骨，用咗大熱不衰嘅鹹蛋黃做醬，都唔錯。廣島蠔芝士燒，一份2隻。鮮甜嘅廣島蠔舖面鋪滿燒到略融嘅芝士，望見都治癒。火候控制得幾好
位於四陂坊嘅火狐爐端燒亦好易搵，喺千色匯二期一出，最受街坊喜愛超人氣米線店隔離就係。
同日本爐端燒/居酒屋一樣，店外同舖內牆身都有店家嘅當日推介，部分美食係menu冇嘅。所以除咗睇手上本menu，記得都望吓載有重要訊息嘅牆啊。
店舖裝修走日式居酒屋風格，牆上貼有多幅井上雄彥嘅浪客行宮本武藏海報，唔通老闆係fans！？
忌廉薯餅一份2件。新鮮炸出唻外皮香脆，唔會太油，入面忌廉薯蓉幼滑唔鹹。
牛舌, 黑豚五花腩, 雞軟骨黃金燒
1 瀏覽
0 讚好
0 留言
牛舌根本上係爐端燒必點食品。最簡單唻分，近舌尖部份會相對有咬口，近舌根部份就淋啲(少少似午餐肉)。火狐提供嘅係前者，一串有4片。牛舌質量不錯，簡單用黑椒同鹹調味已經超好味，燒完熱辣辣但又唔會乾身，有咬口得唻又有肉汁，必食推介。
黑豚五花腩，一樣一串有4片，燒過嘅五花腩保留到香味，肥膏部部燒完出咗油，感覺唔膩口，咬落亦唔會淋滋滋，好味。
雞軟骨黃金燒。口痕必點雞軟骨，用咗大熱不衰嘅鹹蛋黃做醬，都唔錯。
廣島蠔芝士燒，一份2隻。鮮甜嘅廣島蠔舖面鋪滿燒到略融嘅芝士，望見都治癒。火候控制得幾好，燒熟嘅蠔仲好juicy，夠新鮮唔會腥。
蟹膏海鮮炒飯，蟹膏喺炒飯時應該撈勻咗喺啲飯度，聞到好香嘅蟹膏味，但topping就見唔到佢蹤影，海鮮有帶子，蝦同魷魚。炒飯粒粒分明，算乾身唔會好多油喺底，份量亦足夠。
店員哥哥超級有禮貌，加茶又非常快手，抵讚！
張貼
