民聲冰室

營業中

休息中

中午時份又來到大坑, 縱使大坑附近有唔少選擇, 最後都係簡左民聲冰室。唔係第一次食了, 佢地既鹹蛋蒸肉餅山幾時都係咁好食! 熱熱既甜醬油加上剛好熟透既鹹蛋同肉餅, 就咁食已經完勝, 送埋飯係想再叫多一份。師傅整到個肉餅成個塔咁, 每次一見到一定認到係民聲, 次次黎都係必叫, 不過而家座山比之前細左d。每次食, 都唔捨得將佢訓低跟住仲叫左個手撕雞飯,  芝麻加埋少少麻油香既手撕雞係第二個一流送飯既菜式。佢唔係乾身既手撕雞, 所以食落唔洗瘋狂咁咀嚼, 好味道。