影片
更多
2020-06-20
4210 瀏覽
我哋不嬲都唔鍾意同人迫，所以嚟緊父親節，我哋早已經預先慶祝。平時都會去啲中式茶樓飲茶，或者食晚飯小菜。今年父親節想花啲心思食餐好嘅，就嚟咗呢間全港最高嘅日本餐廳「田舍家」。一年一度嘅父親節，當然要食好啲、食豪啲，於是我哋分別叫咗兩款套餐：鐵板溏心鮑魚及龍蝦套餐田舍家10週年爐端燒晚餐首先上場嘅龍蝦沙律，甫放上枱已經艷壓全場。龍蝦鉗大大隻鮮甜無比，襯托住新鮮嘅沙律菜同酸酸醒胃嘅醬汁，作為頭盤絕對稱職有餘。跟住就係溏心鮑魚，超大隻加上金箔，特別霸氣。波士頓龍蝦夠大隻，加上師傅獨特嘅醬汁，更能提升龍蝦嘅鮮味。宮崎牛厚燒又係一個驚喜，牛肉愛皮笑得香脆，裏面肉質豐盈，覺得唔夠喉。鮑汁燴稻庭烏冬，烏冬冇想像中咁好食，質地比較腍口，可能煮嘅時間控制得唔夠好。跟住落嚟就係10周年嘅套餐。燒牛肉沙律肉汁鮮嫩，作為頭盤可謂驚喜萬分。 前菜三款，分別係牛肉海膽卷、燒牛肉三文治、燒芝士，牛肉包住海膽，鹹鹹甜甜，口感特別。中間的燒牛肉三文治，麵包脆脆，牛肉鮮嫩多汁，另外的燒芝士有味噌調味，特別開胃。 燒野菜又健康又美味。北寄貝同螢光魷魚出奇地好食，海鮮味好重，證明食材好新鮮。食爐端燒又點可以錯過食牛呢，牛扒水準
平時都會去啲中式茶樓飲茶，或者食晚飯小菜。今年父親節想花啲心思食餐好嘅，就嚟咗呢間全港最高嘅日本餐廳「田舍家」。
一年一度嘅父親節，當然要食好啲、食豪啲，於是我哋分別叫咗兩款套餐：
鐵板溏心鮑魚及龍蝦套餐
田舍家10週年爐端燒晚餐
首先上場嘅龍蝦沙律，甫放上枱已經艷壓全場。龍蝦鉗大大隻鮮甜無比，襯托住新鮮嘅沙律菜同酸酸醒胃嘅醬汁，作為頭盤絕對稱職有餘。
跟住就係溏心鮑魚，超大隻加上金箔，特別霸氣。
波士頓龍蝦夠大隻，加上師傅獨特嘅醬汁，更能提升龍蝦嘅鮮味。
宮崎牛厚燒又係一個驚喜，牛肉愛皮笑得香脆，裏面肉質豐盈，覺得唔夠喉。
鮑汁燴稻庭烏冬，烏冬冇想像中咁好食，質地比較腍口，可能煮嘅時間控制得唔夠好。
跟住落嚟就係10周年嘅套餐。
燒牛肉沙律肉汁鮮嫩，作為頭盤可謂驚喜萬分。
前菜三款，分別係牛肉海膽卷、燒牛肉三文治、燒芝士，牛肉包住海膽，鹹鹹甜甜，口感特別。中間的燒牛肉三文治，麵包脆脆，牛肉鮮嫩多汁，另外的燒芝士有味噌調味，特別開胃。
燒野菜又健康又美味。
北寄貝同螢光魷魚出奇地好食，海鮮味好重，證明食材好新鮮。
食爐端燒又點可以錯過食牛呢，牛扒水準穩定，火候控制恰到好處，唔會太乾又唔會太生，一舊接一舊係咁食，好滿足。
木盒鰻魚飯不過不失，作為整晚的總結，為這個父親節晚餐畫上完美句號。
張貼
