影片
更多
2021-06-24
2016 瀏覽
父親節想大吃大喝，咁梗係揀放題黎食啦！爸爸仲要係食肉獸黎，火鍋放題就fit哂。牛一有會員會平$10，不過星期五、六、日同公眾假期要加$10，當打翻個和。星期日嘅晚市去到都要排一陣，不過20分鐘就入到座了，特別節日算係咁啦。我哋揀左美國牛個選項再加壽喜燒湯底，每位$178，咁呢個湯底就會每人俾隻日本雞蛋你，打勻後點牛肉黎食會令個肉食落口感更滑。我哋⼀坐底就scan QR code落左幾碟牛，之後就起翻身去自助bar拎啲配菜食。我打邊爐反而中意食菜，因為可以吸哂啲湯嘅精華。呢度都有好多款菜揀，生菜、娃娃菜、油麥菜、椰菜等等，全部都係吸湯嘅菜黎，啱哂我呀。另外仲有啲丸、菇、豆腐呢啲，基本嘅火鍋料都齊。除左火鍋料，仲要有和牛炒飯同日式咖哩可以拎，不過為左留肚打邊爐，我哋都冇攞到。翻到去見到枱面有個蝦滑，唔知係送錯定每枱都會有一份，因為正常睇佢menu係要收錢嘅，咁我哋都冇理咁多，照落落去滾，點知又出乎預期地好食喎。佢好彈牙，仲要中間啲鮮蝦肉一啲都唔少料，一粒粒紅色嘅蝦肉清晰可見。牛肉雖然切到薄一薄，都好有咬口，冇咩油脂，減少左嘅油膩感令我可以食多幾碟。有啲可惜嘅位係個湯底有啲咸，唔知係咪諗住之
我哋⼀坐底就scan QR code落左幾碟牛，之後就起翻身去自助bar拎啲配菜食。我打邊爐反而中意食菜，因為可以吸哂啲湯嘅精華。呢度都有好多款菜揀，生菜、娃娃菜、油麥菜、椰菜等等，全部都係吸湯嘅菜黎，啱哂我呀。另外仲有啲丸、菇、豆腐呢啲，基本嘅火鍋料都齊。除左火鍋料，仲要有和牛炒飯同日式咖哩可以拎，不過為左留肚打邊爐，我哋都冇攞到。
翻到去見到枱面有個蝦滑，唔知係送錯定每枱都會有一份，因為正常睇佢menu係要收錢嘅，咁我哋都冇理咁多，照落落去滾，點知又出乎預期地好食喎。佢好彈牙，仲要中間啲鮮蝦肉一啲都唔少料，一粒粒紅色嘅蝦肉清晰可見。牛肉雖然切到薄一薄，都好有咬口，冇咩油脂，減少左嘅油膩感令我可以食多幾碟。有啲可惜嘅位係個湯底有啲咸，唔知係咪諗住之後加湯會沖淡啲味所以一開始整咸啲啦，但我哋一round過冇加過湯黎講就重口味左少少。
最後一定要食佢個雪糕，係乳酪味仲可以加唔同topping上去，淨係睇佢個樣咁色彩繽紛都開心，仲要個雪糕base真係好食。
張貼
