廣東名門 (三聖市場)

營業中

休息中

爸爸最喜歡食海鮮，所以我和家姐選擇去開的三聖邨廣東名門，加工費一年比一年貴，枱與抬之間都比較迫，亦要分時段，我們選擇了6-8:30。茘枝柴燒鵝，係招牌菜梗要點黎食，鵝皮香脆，肉又嫩，很好食。豉椒炒聖子，火喉啱啱好，配上豉椒很野味鹽焗花螺，用石碢上，令花螺放一段時間都仲好熱，睇落平平無其，但食落好鮮。椒鹽瀨尿蝦，非常乾身，瀨尿蝦肉厚，仲有少許膏，真係啖啖肉。芝士焗龍蝦加伊麵底， 龍蝦肉多，芝士很香，加埋伊麵一齊食，食到唔停得嘴陳皮蒸鮑魚，陳皮香無苦澀味。唔記得咩班，但蒸得好嫩滑。海蝦，鮮甜