喜鍋 海鮮.點心.活刺身 蒸氣石鍋專門店 (已結業)

同爸爸媽媽慶祝父親節，爸爸話想食海鮮唔想迫，姐姐就book 左位於尖沙咀既新building的喜鍋食呢家流行的蒸氣鍋。雖然有套餐，但都係散叫自由啲！首先叫左蒜蓉粉絲大元貝。($78/隻). 元貝連殼就有手咁大，而元貝肉就返乎手掌咁大，蒸起來超鮮甜，而且蒸的時間剛剛好，個質地完全唔un,個中心仲有少少生令口感多層次及形成糖心既效果。酥炸石蠔愛蠔人仕很少放過食蠔機會，仲要係酥炸蠔添！呢度的炸蠔近乎有一隻手掌咁大，炸粉炸得很靚，全隻呈現金黃包，仲脹卜卜，放左一陣先食都無淋到！切開之後，大家可見到裏面都幾厚肉。 雖然唔係好有蠔味，但都幾甜同啖啖肉，外脆內軟。食完飯後仲有鮮甜的西瓜作結。