影片
更多
2023-03-09
426 瀏覽
大都烤鴨聽朋友講話好食，但上一次去嘅時候冇位，所以就食唔到。今次提早訂枱，五個人終於食到啦！首先叫咗佢哋嘅片皮鴨一隻($568)，一定要食！份量都幾多，而且最緊要唔會好肥。配料選擇都好多，唔錯👍🏻之後叫咗個二食：荷香包鴨飯($108/4位用)，仲有江南菘子魚($328)，娃娃菜兩朵($78)，最後仲叫咗一個甜品，叫慈禧碗豆黃 ($55)。荷香包鴨飯同娃娃菜，我就覺得普普通通啦，但係個菘子魚就幾好食，啖啖肉仲好滑！甜品呢，個口感就好特別，你以為佢係糕點嘅口感，但其實好落去粉粉地，都幾有趣。今餐每人大概$300左右啦，食得好滿足，係高質嘅。
張貼
