Ha Noi 越南菜

營業中

休息中

好友告知重慶大廈地庫heath新開咗間越南菜，裝修雅致企理，充滿越式風格，趁今日去開尖沙咀，一於買外賣返屋企試下先～牙車快沙律有齊紅蘿蔔、椰菜、紫椰菜、青瓜絲，仲有唔少嫩滑雞絲，口感豐富，啖啖清爽開胃，好岩而家天氣食！越式海南雞飯雞肉嫩滑可口，啖啖肉皮薄爽滑，雞油飯配炸蒜片，香氣十足，配以三色醬，更加惹味！豬頸肉肥瘦均稱，肉質爽口鮮嫩，煎得金黃香脆，肉味濃郁。龍眼冰杞子、龍眼肉份量好足，味道清甜香醇～鮮芒果西米露奶香濃郁，甜而不膩，好解暑！