九爺牛腩 (佐敦道)

營業中

休息中

黎開呢邊上堂，想食粉麵，見到呢間的評語唔錯，就入左黎。比起一般的粉麵店，呢度感覺坐得更舒適，環境光猛企理，店員有禮。我叫了牛三寶河粉。湯底香濃，但又不會過鹹。牛腩，牛筋同牛肚都炆到好軟腍入味，而且切成粗絲，份量幾多。牛腩肥瘦適中，牛筋口感軟滑，制作用心。河粉煮得剛㚥，不會一夾就斷。朋友點了剩鮮蝦雲吞，粒粒飽滿。蝦幾新鮮，又夠彈牙，一碗大約有8粒，絕對夠食。最後的凍奶茶，都好夠茶香味，又夠細滑，的確唔錯。餐廳食物達標，值得一試。