Metal Steak (已結業)

前幾日難得公眾假期，去左澳門一日遊，返嚟嗰陣時夜晚十點鐘，上環落船，除左翠華，究竟我仲可以食乜好呀？！臨落船，立即上openrice搵下食乜先！竟然畀我搵到呢間新開既扒房！落左船我地就一支箭衝去搵路啦！唔洗10分鐘巳經去到歌賦街，經過好出名既九記牛腩，差唔多街尾，就見到紅色招牌既metal steak!好肚餓呀！！入到去先order後畀錢，然後揾位座，大致快餐店咁既形式。我最終個肚打曬鼓既情況底下，我叫左300g既安格斯肉眼，5成熟！仲加左個set$30,有沙律，雜菜湯，同飯！Oh my god!個飯上面竟然細心得有日式飯素！正呀！大約5分鐘，個扒由服務員遞上，嘩嘩嘩！香味十足！香噴噴呀！枱面有好多醬料，自己選擇，我最鐘意係柚子味個款，冇蓋左牛既肉面之餘，好清新！300g算厚切吧！肉汁一流唷！可能燒既原故，肉汁鎖得好好，值得一讚！成餐200蚊鬆d,交足功課！絕對超值！阿媽話齌，而家d牛好貴架！而家出街好貴架！😂😂哈哈！所以今次第一次寫食評，想開心share畀大家！