鬼金棒牛骨辣麻拉麵 (已結業)

東京過江龍鬼金棒，主打麻辣味增拉麵，最近開左副線鬼金棒辣麻牛骨拉麵，主打牛骨湯拉麵，所以吸引到我呢個牛魔王去試吓去咗尖沙咀亞士厘道分店，店舖光猛空間感不錯。拉麵除左湯麵，仲有沾麵，辣度同麻度都可以選擇，配料全部都會配以牛肉製的叉燒同牛筋芫荽味噌辣麻拉麵日式拉麵有芫荽，份量仲要唔少，湯麵係幼麵，啖啖麵都咬到芫荽，啱晒我呢個芫荽迷，揀左中辣同大麻，辣度我覺得好溫和，麻度食完個咀唇有少少痺，牛筋好淋好入味，牛叉燒口感柔軟增量牛肉叉燒辣麻牛骨沾麵增量牛肉叉燒比正常多三片，沾麵湯底比湯麵濃稠，而且用上粗麵，所以好掛湯，但略嫌個湯唔夠熱，如果個湯夠熱碗麵就100分