牛の鍋日本料理

營業中

休息中

環境開揚闊落，地方坐得舒服，食物選項亦不少。我們點了兩份任飲任食的牛之鍋火鍋B餐 😇愛辣的人今晚鍋底又點少得我既至愛～重慶麻辣湯呢？湯香辣而不嗆，食味十足，食材基本上都不用怎沾醬油了。肉類無限encore，值得食有：牛舌、肥牛、牛肩胛肉眼、美國極上牛肉、澳洲羊肩肉和特選豚肉等，每樣都肉質入口細緻，顏色有光澤，厚薄適中，烚兩下就食得😊非常美味。朋友最心儀當中的原隻鮑魚和期間限定的乳山生蠔，内容相當，吃不停口。肉類蔬菜海鮮火鍋料都吸收晒湯底精華，香噴噴，些少麻辣夠刺激，越食越起勁，滋味無窮。日本嘅代表有：帶子刺身，厚切口感一流，吞拿魚質素不俗。串燒炸物壽司甜品食味賣相質素亦中上，飲品以自助形式，整整齊齊，品種都能滿足到我，特別欣賞酸甜解膩的手打檸檬茶，十分開胃。另外套餐還有較少有的即叫即製甜品，抹茶雪糕相當對版，奶和茶味也突出，連放題少有的芒果綿綿冰和芭菲亦有供應呢！食後感：好耐冇喺香港夏天打邊爐，侍應有禮斯文，效率高，地方又衞生，涼住冷氣食，別有一番風味。