森戶 (官塘立成大廈) (已結業)

上星期放lunch同同事行去牛頭角附近搵好嘢食，見到呢間壽司店午市做緊優惠就試下。自選壽司10件 $178呢個set包咗一份茶碗蒸同麵豉湯，茶碗蒸好足料。壽司就叫咗三文魚腩、深海池魚、魴紼、火炙金線鯛、火炙左口魚邊、火炙帆立貝、油甘魚、蔥吞拿魚腩、真鯛、赤蝦。最好食係赤蝦同蔥吞拿魚腩，每件壽司都好大件新鮮，唔錯。另外叫咗件海膽軍艦同一份清酒煮鮑魚，海膽好新鮮，一啲都唔腥，鮑魚好重清酒味，好淋好入味。