影片
港鐵牛頭角站 A 出口, 步行約4分鐘
繼續閱讀
營業時間
星期一至日
12:00 - 15:30
18:00 - 22:30
以上資料只供參考, 請與餐廳確認詳情
第二次食呢間lunch, 今次自己一個叫左三色丼外賣，三色丼有拖羅魚蓉、三文魚籽同海膽☺️拖羅魚蓉既份量好多，撈匀左成個飯後，每啖都有好豐富既刺身，拖羅魚蓉比起平時食既蔥吞油脂感更加濃，好新鮮，每啖食完後，口腔留低既味都好濃郁，食完每啖都唔想飲野沖口😂三文魚籽味道正常，唔會太腥，佢既份量都好多，每啖都會食到幾粒😆至於海膽雖然睇左數量唔算多，但撈匀後海膽既味道撈到成個飯都好濃味，齋食個海膽唔會有陣腥/尿味，反而係好甜好幸福既感覺😆成個set仲包埋麵豉湯同沙律，丼飯既份量亦好多，食完成個set勁飽勁滿足！一家會一刷二刷再三刷😆🤤🤤🤤
繼續閱讀
.森戶@moritosushi 今日lunch同朋友去左公司附近嘅森戶💁🏻♀️，原來lunch做緊85折優惠😋……….我地叫左2個定食再散嗌左6件壽司、串燒share🙆🏻♀️其實我食一個丼飯已經會好飽😋分量都大……….火炙魚生丼 ($138)我簡左火炙魚生丼，魚生包括：1款時令魚生、金線鯛、三文魚、左口魚邊、帶子💁🏻♀️每次時令魚生都有機會唔同，都幾好，唔會食厭麻～🤤魚生好新鮮，最中意左口魚邊，好重油份，而且又好嫩滑😆🤤……….迷你角切魚生井拼牛肉烏冬 ($138)朋友簡左迷你角切魚生井拼牛肉烏冬，一次過食到魚生飯，又可以食到熟食烏冬💁🏻♀️，但朋友一黎就食左😂影唔到🙈朋友話魚生都好新鮮，但份量就唔多，有d小，所以我地就要叫多幾件壽司……….額外加了：三文魚壽司 ($12)辣味三丈魚軍艦壽司 ($13)芝士蟹籽軍艦壽司 ($18)火炙銀雪魚 ($38)又係厚切，好香油花味😆火灸三文魚腩壽司 ($25)火灸海膽魷魚壽司 ($48)鹽燒牛舌（一串）($58)朋友超推仲牛舌，係厚切，好爽口，一定要試下💁🏻♀️……….平時觀塘lunch度度都極多人，森戶個日又無咩人，唔洗同人迫/排隊😌，我地埋單總供$464💰💸……….地址：森戶 (官塘立成大廈) (牛頭角)牛頭角牛頭角道305-325A號官塘立成大廈地下E號舖……….
繼續閱讀
估唔到牛頭角都有得食omakase,而且最平先380起，啱曬我依啲係附近翻工嘅小資女！我就叫左最普通380嘅嘅山套餐，雖然佢平，但都好豐富！首先會有一碗茶碗蒸，有唔同嘅海鮮係入面，而且啲蛋都好滑然後會有十貫壽司同一貫手卷，真心好正，分別會有北海道象拔蚌，北海道帶子(好食)，牡丹蝦(表面仲會有蝦膏)，目鯛(有燒過嘅香味)，中拖羅等等唔同嘅壽司🥰🥰🥰佢每款壽司已經有醬油，所以唔洗自己加都好夠味！食飽飽之後，仲會有鯛魚湯同甜品，食得勁滿足！
繼續閱讀
今日路過觀塘去咗一間隱世日本餐廳午餐，所用嘅食材都幾高質特上壽司拼盤（拖羅、牡丹蝦、赤貝、銀鱈魚、深海池魚、油金魚、金目鯛、鯖魚、海膽、三文魚子）十件非常高質嘅壽司，每件都好滋味拖羅- 好肥美，大大件，食落滿有魚鮮味，入口即溶。魚油係口腔慢慢滲出，整個口渾發著拖羅鮮香味，好滋味海膽壽司- 爆多海膽份量，有少少淡海水味，十分鮮味牡丹蝦壽司- 大大隻新鮮牡丹蝦，啖啖肉，好滿足油金魚壽司- 我最喜愛吃壽司，油甘魚好新鮮，真係好正所有壽司都用上壽司飯，粒粒煙靭有咬口，特別好味燒腩肉串燒- 外皮香脆，入面juicy，咬落每一啖都有肉汁。經燒烤後，迫出部分肥膏中嘅油脂，食落香而不膩雞翼串燒- 即叫即燒，上檯熱辣辣，皮脆肉嫩，好好食
繼續閱讀
上星期放lunch同同事行去牛頭角附近搵好嘢食，見到呢間壽司店午市做緊優惠就試下。自選壽司10件 $178呢個set包咗一份茶碗蒸同麵豉湯，茶碗蒸好足料。壽司就叫咗三文魚腩、深海池魚、魴紼、火炙金線鯛、火炙左口魚邊、火炙帆立貝、油甘魚、蔥吞拿魚腩、真鯛、赤蝦。最好食係赤蝦同蔥吞拿魚腩，每件壽司都好大件新鮮，唔錯。另外叫咗件海膽軍艦同一份清酒煮鮑魚，海膽好新鮮，一啲都唔腥，鮑魚好重清酒味，好淋好入味。
繼續閱讀