影片
更多
2014-06-12
2832 瀏覽
繼上一次遠赴「煲皇」，今次返回市區，初次接觸天后「滾得棧」。聽聞他們是深井熱店，幾年前開到來港島區，我未去過，聽人講好食，但我對陌生的打邊爐地方是充滿戒心的。今日有緣，是因為本來想去「上品」，但他們的房間低消要＄7000, 神經病，隨即想起附近有這一家「滾得棧」，打電話去問，只需＄4000，那就試一試吧。 老實講，我好鍾意打邊爐，但係又好唔鍾意太嘈，房間外面有兩枱大枱，真係感受到個熱鬧氣氛，可以想像滾得棧客滿的時候是會很嘈的。 首先講缺點，我哋到達現場，佢先至開冷氣，真係有啲見暈，同埋張枱好高，坐得遠的話，吓吓都要企起身，張櫈褪開咗又唔係咁易拉得返埋，以上種種簡稱唔係幾好坐。 不過食物可以補回那些不足，尤其是牛類，牛頸脊出現，朋友已嘩嘩聲，睇樣都知佢靚，但最令我讚足全場就係那碟牛眼筋，是和牛眼無關的，類似牛腩，有少少筋，少少肥，淥佢15分鐘，啲肥冇咗就會變得好爽，有咬口，有牛味，講起真係想再食。 其他食物都新鮮，手打蝦丸最好，象拔蚌丸就食唔出佢同象拔蚌有咩關係； 所以都要了一條3磅象拔蚌，＄860 ，真係好大條，呢隻 size去啲謀人寺分分鐘收二千。冇一條魚叫，所以點了鱔片同脆鯇片，海
聽聞他們是深井熱店，幾年前開到來港島區，我未去過，聽人講好食，但我對陌生的打邊爐地方是充滿戒心的。今日有緣，是因為本來想去「上品」，但他們的房間低消要＄7000, 神經病，隨即想起附近有這一家「滾得棧」，打電話去問，只需＄4000，那就試一試吧。 老實講，我好鍾意打邊爐，但係又好唔鍾意太嘈，房間外面有兩枱大枱，真係感受到個熱鬧氣氛，可以想像滾得棧客滿的時候是會很嘈的。
首先講缺點，我哋到達現場，佢先至開冷氣，真係有啲見暈，同埋張枱好高，坐得遠的話，吓吓都要企起身，張櫈褪開咗又唔係咁易拉得返埋，以上種種簡稱唔係幾好坐。
不過食物可以補回那些不足，尤其是牛類，牛頸脊出現，朋友已嘩嘩聲，睇樣都知佢靚，但最令我讚足全場就係那碟牛眼筋，是和牛眼無關的，類似牛腩，有少少筋，少少肥，淥佢15分鐘，啲肥冇咗就會變得好爽，有咬口，有牛味，講起真係想再食。 其他食物都新鮮，手打蝦丸最好，象拔蚌丸就食唔出佢同象拔蚌有咩關係； 所以都要了一條3磅象拔蚌，＄860 ，真係好大條，呢隻 size去啲謀人寺分分鐘收二千。
冇一條魚叫，所以點了鱔片同脆鯇片，海鮮仲有鮑魚仔，唔小心淥咗幾分鐘都縮得細到搵唔到，下次可以唔使嗌；仲有魚蛋係ok 唔好食。 湯底是花膠螺片燉雞，不錯，真係有花膠同有雞； 另外一邊就係麻辣同潮州湯底，個潮州湯底好似去咗潮興打邊爐咁，都幾得意； 麻辣都幾辣。
服務都唔錯，啲後生仔幾勤奮。 埋單，唔夠四千，真係失禮哂，唯有叫支紅酒外賣。
張貼
