金鳳大餐廳 (金鳳樓)

營業中

休息中

昨晚無野做一友無所事事去獨食，行左太子一個圈去揾食，都幾肚餓於是決定去鋸扒。原本決定去附近另一間金字頭，果間的確平d,，但呢間又又試過，就姑而一試心態就入左去。雖然扒房，但花多眼亂唔知食咩好，見到鐵板牛柳餐連加一都係$137就落單，因個人唔鐘意食生野，故叫左全熟，等左唔使2分鐘餐包同羅宋湯就來左，兩樣野都熱辣辣同附近另一間金記無得比。然後壓軸主菜出場“牛柳鐵板餐”，有得簡兩種汁，黑椒或蒜蓉，選擇左前者，見到隔離枱可以加蒜蓉係朳面，但我無加到。侍應一加汁落，等無幾耐就食得，牛柳食落入口鬆軟多汁，可以俾9分以上，有薯條送。雖然唔加錢無飯或意粉跟，但$137絕對比其他扒房值，下次會再幫襯。