The Night Market (又一城) (已結業)

試過幾次Elements分店 lunch set, 吾錯，係呢種商場食百幾蚊一個set 屬正常。今日去又一城原先想食同一層間西餐，都未夠12點已等超過10張檯於是立即轉場。星期六無set所以散叫，4人叫左牛肉麵，牛三寶麵，新竹炒米粉，炸醬麵，小籠包，腐乳通菜及雷沙湯圓。先黎炒米粉，夠味料多好食，2個牛麵到，湯夠色但係無味，肉料亦然，只有配菜（雪菜或酸菜）有味，牛肉麵過百蚊，呢d質數簡直差，吾明點解廚師吾先試味，用個湯膽溝稀個個都做但都要好食掛，認真失望。炸醬麵其實即滷肉撈麵，滷肉醬吾夠色，亦係無味，差d要落豉油，但好彩個麵質本身非常彈牙好食搭夠，呢樣要讚，就咁成碗食晒。個菜的腐乳醬好鹹，不能齋吃，我地將d菜溝麵又中和番個味。最後加個湯圓，哇簡直係全餐飯中最出色之作，等左約10分鐘先上桌，麻蓉心熱辣辣超級美味，都無咁失望。埋單$6xx，好彩有得吸拍車。