影片
更多
2015-09-07
1010 瀏覽
公眾假期前一晚到程班長食晚餐，大約七點三到達，門口超多人排隊，可能假期前夕啦，因為之前嚟過幾次食晚飯，有時都唔駛等，幸運地今晚都係等約25分鐘。環境嚟過嘅人都知程班長地方淺窄，講唔上有裝修，都係長枱排排坐。人多時確實有少少舉步艱難，不過小店就無咩所謂啦。食物嚟過幾次，始終都係想食牛肉麵，我叫左清燉半筋半肉麵，老公叫左紅燒半筋半肉麵。第一次食清燉牛肉麵，湯較淺色，味都較紅燒淡，但都夠味。牛肉就普通，雖然都咬得開，但肉乾且韌，似煲完湯嘅湯渣。老公話佢嘅紅燒牛肉都有少少韌。幸好牛筋有咬口得嚟都夠淋，亦入味。麵係我鍾意嘅粗麵，似刀削麵，每條厚薄不一，似手搓，質地煙韌。不過加埋又乾又韌嘅牛肉，食完口部肌肉有啲攰。可能食得較慢，碗紅燒麵湯嘅油凝固咗，浮哂面。另外叫左蚵仔煎、冬瓜茶。幾年前喺台北夜市食過唔好味嘅蚵仔煎後，一直都無再食過，直至被之前睇電視小儀介紹所吸引，所以今晚就叫左嚟試下。蚵仔煎樣子似茶樓嘅咸薄撐，有啲甜甜嘅醬汁淋面，裡面有肥肥嘅蚵仔、蔥，幾香口惹味，一改心目中得個咸字嘅印象。至於冬瓜茶就較甜，都解渴，但如果少甜會更好。服務呢度係半自助式，入座後侍應會俾餐牌同一枝木紅色筆，自己剔選食
公眾假期前一晚到程班長食晚餐，大約七點三到達，門口超多人排隊，可能假期前夕啦，因為之前嚟過幾次食晚飯，有時都唔駛等，幸運地今晚都係等約25分鐘。
環境
嚟過嘅人都知程班長地方淺窄，講唔上有裝修，都係長枱排排坐。人多時確實有少少舉步艱難，不過小店就無咩所謂啦。
食物
嚟過幾次，始終都係想食牛肉麵，我叫左清燉半筋半肉麵，老公叫左紅燒半筋半肉麵。第一次食清燉牛肉麵，湯較淺色，味都較紅燒淡，但都夠味。牛肉就普通，雖然都咬得開，但肉乾且韌，似煲完湯嘅湯渣。老公話佢嘅紅燒牛肉都有少少韌。幸好牛筋有咬口得嚟都夠淋，亦入味。麵係我鍾意嘅粗麵，似刀削麵，每條厚薄不一，似手搓，質地煙韌。不過加埋又乾又韌嘅牛肉，食完口部肌肉有啲攰。可能食得較慢，碗紅燒麵湯嘅油凝固咗，浮哂面。
另外叫左蚵仔煎、冬瓜茶。幾年前喺台北夜市食過唔好味嘅蚵仔煎後，一直都無再食過，直至被之前睇電視小儀介紹所吸引，所以今晚就叫左嚟試下。蚵仔煎樣子似茶樓嘅咸薄撐，有啲甜甜嘅醬汁淋面，裡面有肥肥嘅蚵仔、蔥，幾香口惹味，一改心目中得個咸字嘅印象。
至於冬瓜茶就較甜，都解渴，但如果少甜會更好。
服務
呢度係半自助式，入座後侍應會俾餐牌同一枝木紅色筆，自己剔選食物後，就到收銀機付錢。然後拎埋所需餐具返埋位，等侍應送上食物。
張貼
