越旺

營業中

休息中

本身想食果間餐廳大排長龍，經過見呢間越南野新開，好快有位就試一試。兩個人佢比張四人枱，較為闊落坐得舒服。午餐選擇多，生牛肉湯粉、豬扒豬頸肉、牛丸牛腩、軟殼蟹、蝦春卷湯粉/撈濛等等十幾樣揀，最後我地嗌左一個越旺三寶河粉（香茅豬扒、香茅雞翼、扎肉）同埋越旺綜合牛肉金邊粉（生牛肉、牛腩、牛丸、蘿蔔），飲品點左三色冰同咸檸梳打，跟餐各加$8。另外加配一份芝士蝦多士。三色冰有紅豆，我既咸檸梳打梳打水係分開上，咸檸係原個佢幫你切開左容易督爛（有啲餐廳只係比半隻咸檸）掛住影相冇留意佢比錯檬粉我，不過我冇叫佢轉返，檬粉幼身都爽滑，不過都係鍾意河粉多啲湯夠熱，蔥、洋蔥、炸洋蔥、香葉都比得足，所以都幾香幾夠味牛肉片爽嫩不錯吃，豬扒雞翼睇落炸得唔錯，配蔥油應該幾好，可惜食落兩樣都乸得太勁（鬆肉粉果啲）食落只有乸過既味食唔到本身豬肉雞肉味，豬扒同雞翼中間都呈鮮粉紅色⋯⋯扎肉比平時食到既咸好多，反而冇爽滑既感覺。芝士蝦多士都好快上枱，芝士溶溶地但冇咩芝士香氣，咸味重而蓋過左本身既蝦味⋯⋯留意返佢成個多士表面係密鋪白芝麻，但食落唔覺芝麻香氣，可能個芝士太咸了。總括黎講，好似牛肉粉比較出色，有機會或者會試下佢個蝦春