宗像牛肉屋 (已結業)

這是我吃過性價比最低的牛肉飯。我中計了，這是一間偽日本餐廳。事前因爲細妹看了Facebook 宣傳，所以叫我和我媽試試。一打開門有三個香港師傅滿口日文，但是來來去去個幾句。餐牌有六種選擇，但其實只有四種牛肉：紐西蘭及日本的大脾和西冷。所以四種選擇是單拼飯，其餘兩種就是兩國的雙拼。所以決定叫兩個雙拼，一次個食四種牛肉。配菜：1）麵鼓湯：淡而無味的鹽水2）酸菜：賣相差，唔講以為中菜來3）薯仔波、蔥花、帶鹽蒜片：估唔到最好食係薯仔波，蒜片送牛肉好過加豉油主菜：紐西蘭和日本牛大腿、西冷：無牛味，起筋，嚼左好耐因為是牛肉飯，唔可以太生，否則有血水留飯面，所以熟度七成以上。估唔到仲要預先煎好左，有客到再返煎。雖然唔係好老，但係好cheap，感覺好似食自助餐的大舊切肉咁。其實日本牛牛味一向不多，食都食佢入口即融的感覺。牛肉級數睇雪花均衡程度，但呢間野的牛肉花都唔花下，什至連肥都無，可見級數十分一般。最可憐是日本雙拼飯，明明貴過紐西蘭100蚊，但係級數都係咁差。如果想食好D，是吉之島買扒自己煎好過。最後因為太火滾，所以寫咁多野，希望大家唔好上當。我左邊個對男女食到囧哂，睇來呢間野開半年搵夠人笨就執。