新仙清湯腩咖哩專門店 (已結業)

新仙清湯腩咖喱專門店，想食牛腩就想起新仙。好多種套餐，因為好肚餓所以揀左極味特別腩品嘗雙人套餐（$289）。前菜有新仙六宮格及蔬菜，六宮格的淮山好爽脆，秋葵同貓耳朵都好味。清燉牛腩湯，非常清的湯頭，充滿牛肉香。套餐可以揀三種口味牛腩，同時有三種部位可以揀。清湯崩沙腩、麻辣爽腩、咖喱坑腩，由清到濃味都有，三種部位都有不同口感，最鍾意爽腩有脂肪及筋膜，有咬口！咖喱汁香濃好好撈飯！清湯腩清甜，麻辣味夠刺激！用心做牛腩，值得支持！